HELLO, LOVE, GOODBYE (Cathy Garcia-Molina, 2019)

9E60B1FC-5D01-48F0-8465-414BD9C20F36

SPOILER ALERT!!

My notes on Hello, Love, Goodbye:

1. Naalala ko nung nagpunta ako ng Hong Kong around 2014, napadaan ako sa Central area isang Linggo at nagulat ako sa dami ng mga OFWs (mostly women) na nasa gilid-gilid mula sa overpass malapit sa train station hanggang sa mismong kalye na ang isang parte ay ipinasara para tayuan ng makeshift stage (“Beauty and the Best” ang theme ng show slash pageant noon).

Parang isang mahabang row ng mga nagpi-picnic ang itsura nila sa kani-kanilang mga puwesto habang nakaupo sa ibabaw ng mga karton ng balikbayan boxes. Maririnig mo ang malalakas na tawanan at maiingay na kuwentuhan/chismisan kasabay ng pagsasalu-salo nilang magkakaibigan sa baong pancit, adobo, at kung anu-ano pang ulam na niluto para sa araw na yun.

Pero mas nakakagulat na ang lahat ng ito ay nagaganap sa harapan mismo ng mga high-end designer stores tulad ng Louis Vuitton, Gucci, Armani, Cartier, atbp. Maganda siyang juxtaposition na sumasalamin din sa OFW experience na kung tutuusin ay nakakalungkot sa kabila ng nangingibabaw na kasiyahan.

2. Isa sa strongest aspects ng pelikulang ito ang realistic depiction ng buhay ng isang domestic helper sa Hong Kong.

May isang montage kung saan ipinakita ang lahat ng ginagawa ni Joy (Kathryn Bernardo) bilang kasambahay, kasama na ang pagbabantay sa isang atribidang lola (“Too cold! Too hot!”) at pag-aalaga sa isang special needs kid. Todo kayod siya kasi nakadepende sa kanya ang pamilya niya sa Pilipinas. Kabilang na dito ang bulag niyang ama at ang mga kapatid na more hingi ng sapatos habang siya naman ay more tiis kasi ang long-term plan niya ay maka-migrate sila ng Canada.

Kaya kahit Nursing ang natapos niya ay mega linis siya ng inidoro (“Ang choice ay para lang sa may pera”) at baka sakaling ma-flush na rin ang kinikimkim niyang sama ng loob.

(Side note: Natuwa ako na hindi blatantly masama ang ugali ng amo ni Joy. Kasi ang typical DH story along the lines of Flor Contemplacion or Delia Maga.)

3. Nagustuhan ko yung direct reference sa Anak kasi hindi ko pa rin makalimutan si Ate Vi bilang the ultimate selfless mother of all DH at kung gaano kadaming pagkain ang tiniis niyang hindi kainin makapagpadala lang ng malaking pera para sa pokpok (ay sorry, troubled) niyang dalaga na si Carla.

Gusto ko rin yung indirect reference sa Sunday Beauty Queen with Joy and her friends joining the pageant for extra income. Kahit sa day-off nila todo kayod pa rin para lang sa pamilya. Ang bigat sa puso.

4. Sobrang effective ni Kathryn dito. Gamit na gamit ang mata-mata acting. Yung level na pinapamukha niya sa mga bashers na deserving din siya ng Urian nomination. (Ang ganda pa ng natural make-up niya na super layo sa espasol look in Barcelona.)

Favorite ko yung scene na depressed siya na sumakay sa train tapos sobrang saklap ng araw niya nakasabay pa ang ex niya at bagong girlfriend nito. Nung tinanong siya kung saang hospital siya nagtatrabaho, ramdam mo talaga yung pait at hiya nung sumagot siya na “DH ako dito. Ending ko din katulad ng nanay ko.” Ouch!!

Pero magaling din siya sa kilig aspect ha. Kapag nakatitig siya kay Ethan (Alden Richards), di mo iisipin na may Daniel Padilla na siya in real life. (Pero siguro kasi ang gwapo din ni Alden dito with the scruffy, playboy look kaya di din siya masyado nahirapan magpanggap, ano?)

5. Speaking of Alden, nag-level up din ang acting niya dito. Nawala yung lalaking puro pabebe wave sa Kalyeserye at lumabas ang isang certified matinee idol. Nung sinabi niya na dapat “All or nothing kasi kung mag-hold back ka, bakit ka pa nagmahal?”, more tango lang ako na parang nabudol-budol. Atsaka yung reaction niya habang pinapanood si Joy na sintunado kumanta at mukhang tanga sa stage, maniniwala ka talaga na true love ang nararamdaman niya. At okay lang rin siguro kahit mang-asar siya at kulitin niya ako habang nagkikiskis ako ng kaldero.

Tapos sobrang puti pa ng legs niya parang mapapabili ako ng lifetime supply ng Snow Caps.

(Side note ulit: Believable na kapatid niya si Jameson Blake down to the dimples. Actually, pati yung bunso na akala ko si Timothee Chalamet papasa din na brother niya haha!)

6. Nung pinanood ko ang BTS ng Anak, na-kwento dun na nahirapan silang i-shoot yung final scene kung saan dadaan sa crowd si Ate Vi kasi lahat gusto siya yakapin, hawakan, at tingnan. Mukhang mas maayos ang crowd control dito considering na nag-shoot sila sa Central at Lan Kwai Fong (isa lang yung super obvious na nagvi-video sa eksena dito).

7. Happy to see Maricel Laxa again. Walang kupas pa rin sa pag-arte. Maganda yung storyline niya bilang nanay ni Joy. May kurot sa puso na alam ng pamilya niya na nagpakasal siya sa iba para maging citizen at ma-petition sila dun.

Joy, walang-wala ang paglilinis mo ng inidoro kumpara sa sakripisyo (at pambubugbog) na na-experience ng nanay mo. Teka, bakit ako naiiyak ulit?

8. Kinilig ako nang todo sa KathDen. Kahit hindi ko maintindihan bakit kelangan nilang ipagsiksikan ang mga sarili nila sa “stuck” room na yun. Puwede naman umusog diba?

Pero malakas talaga ang chemistry nila. Nagulantang nga yung mga KathNiel na nakaupo sa harapan ko dun sa (fake) kissing scene. Yung isa parang hinimatay dun sa “love scene”.

Napaka-possessive naman ng ibang fans. Let your idols grow as artists.

9. TANGA = TANYA. Natatawa pa rin ako dito. (At yung pasalubong na broccoli. Hahahaha!)

10. Kung tutuusin plakado sa Star Cinema template ang pelikulang ito. Nandiyan lahat ng tropes tulad ng chuwariwap friends (bet ko na Mary Dale ang pangalan ni Maymay Entrata at bumagay ang aligaga acting ni Kakai Bautista dito), tatay na maysakit (si Lito Pimental na itinuloy lang ang role niya sa Starting Over Again), sound bite-ready na linyahan na never mo maririnig in real-life conversations (“Kung mahal mo ako, bakit pinapapili mo ako?” “Kung mahal mo ako, bakit di ako ang piliin mo?”, “Don’t you trust me enough?” “Don’t you love me enough?”), etc.

Ang kulang na lang ay ang requisite happy ending na hindi nito ibinigay. Siguro mas malakas ang loob ng Star Cinema kasi hindi naman talaga love team ang KathDen pero it worked for the best.

Ang sakit ng farewell at ang ganda ng realistic ending (“Kung di rin tayo sa huli…”). Bravo!!

11. Yung Ulan daw tungkol sa self-love but for me, nagmukha lang si Maya (Nadine Lustre) na selfish. Etong si Joy na independent, may pangarap, may gustong patunayan, at tinalikuran ang pag-ibig to find her worth ang totoong definition nun.

“Mahal kita pero sa ngayon mas mahal ko ang sarili ko.” I do not love you, Joy. I do not love you.

Rating: ★★★★☆

2 thoughts on “HELLO, LOVE, GOODBYE (Cathy Garcia-Molina, 2019)”

  1. What a delight to read your notes again!
    Can’t say I’m surprised this movie turned out well *and* got received well. The only way this would’ve been unremarkable is if star cinema did just the bare minimum. Kathryn? Alden? the “controversial” move would have raked in the numbers on its own. The whole team could’ve phoned it in. But here SC clearly cared. They still wanna make movies. My cynical heart surrendered a bit.

    In fact, what I appreciated most about this movie, was how positive it left me feeling. With that ending, It doesn’t matter if Joy and Ethan never end up reuniting/re-igniting. We are grateful to let them move on post-movie just as they were grateful letting go in their world. Refreshing.
    Also refreshing? a mainstream female lead who is complex but not for the sake of being complex. Dunno if that makes sense. We’re a long way from leads who simply tell us they *hAvE pAiN* but are never written in any way to justify it. Joy has LIVED y’all. She really has. No arguing about it, just watch, she’ll show you. Kathryn is back. I’m rooting for her to keep picking projects that nurture her craft. I’ve always been 😍 @ Alden (and not even because of his pabebe era), so I’m very happy for him. Bless that kid.

    I had the same gripes as you did of course, mine including the movie score. It got really distracting(ly bad) for me…I wish we’d invest more in our composers. The OST is fine I guess, just glad it wasn’t the same tired 5 songs from the 80s.

    Also noticed they outsourced post-prod for this…I never knew they did that or when they started to?? The film does look great as a result so it was worth it.

    Pang-huli, medyo nakaka-intimida ang pagsulat mo gamit ng purong Filipino dito. Pero higit kang karapat-dapat na matangkilik ng mas marami pang mambabasa. Salamat sa pagmamahal mo sa pelikula at sa ating sariling sining. Nawa’y makaantig ka pa ng maraming puso’ng tulad ng sa iyo.

  2. Heeeeeeyyy!! Thank you for sharing your thoughts on the film (and for the kind words as well). The Filipino post was supposed to be a Buwan ng Wika thing, but a lot of people responded positively to it. I’ll probably continue that style beyond this month because most of the films that I watch are Pinoy anyway. Wish me luck! 😊

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s