LOLA IGNA (Eduardo Roy, Jr., 2019)

B9B10A61-555F-478C-9583-A91AE0E9FD92

SPOILER ALERT!!

Lumaki ako sa lola kaya sanay na sanay ako makita siya nakaupo sa arinola. Nung bata pa ako, di ko talaga alam kung ano ang gamit niya bilang hindi naman ako nakaupo pag umiihi. Kaya nung isang beses na sumakit ang tiyan ko around midnight at sa takot na pumunta sa banyo, may surprise na naghihintay sa lola ko pagbukas niya ng takip nung umaga.

Marami akong magagandang memories with my lola kaya hindi ako nahirapang magustuhan ang pelikulang ito na tungkol sa isang lola (malamang si Lola Igna diba, a spectacular Angie Ferro) na mag-celebrate ng kanyang ika-118 na birthday at tinutulungang makapasok sa parang Guinness Book of World Records (may prize na almost $50k for every year kaya halos $6M ang makukuha niya; may ganito ba talaga? Iinom na ako ng Ensure every day kung totoo ‘to).

May theory ako na kaya siya umabot ng ganun katanda kasi sanay ang katawan niya sa germs kaya malakas resistensya niya. May part sa simula na ipinakita ang isang nilalangaw na toilet bowl sa labas ng bahay tapos sa sunod na eksena eh breakfast table na at punung-puno ng langaw ang kanin at ulam niya. Same langaw ba sila galing sa labas? Ayaw kong isipin parang magkakasakit ako.

(Also, sobrang ganda ng scene na yan kasi nag-tagay siya ng tuba para sa yumao niyang asawa. Yup, first ten minutes pa lang umiiyak na agad ako.)

Maganda ang first half ng movie with the right balance of comedy and drama. Lakas ng tawa ko dun sa itinapon na wiwi tapos may kurot naman sa puso nung sinabi niya na ang gusto niya mangyari sa buhay niya na hindi pa niya nagagawa eh yung mamatay na siya. Tapos sobrang infectious ng bungi-bunging smile ni Ms. Angie sa eksena na ‘to grabe ang galing niya talaga. (At syempre kabogera as always ang aking favorite na si THE Ma. Isabel Lopez as an atribidang anak slash opportunist, este, entrepreneur pala.)

Medyo nabagalan na ako nung second half lalo na at medyo conventional na ang pinuntahan ng story nung kay Yves Flores. Napaisip pa ako kung intentional yung kabaong reference sa Magnifico kasi medyo similar din ang naging twist.

Si Meryll Soriano pumasok nung bandang dulo tapos may isang scene lang na sinusuklayan niya lola niya tapos ang husay ng bawat patak ng luha. At natawa ako kasi obviously maganda siyang buntis dahil babae ang naging anak niya (bilang nasabihan ni Lola Igna yung isa niyang kapitbahay na lalaki ang ipinagbubuntis nito kasi ang chaka niya haha!).

“Ang dami ko nang libing at burol na di na dapat pinuntahan. Ako ang laging iniiwan. Ako ang laging nagluluksa.” Ang sakit naman nito. Wait, mukhang may second thoughts ako dun sa Ensure ah.

Rating: ★★★☆☆

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s