ANG HENERASYONG SUMUKO SA LOVE (Jason Paul Laxamana, 2019)

2D798E3E-9213-4983-B1C2-4CFE7148365E

SPOILER ALERT!!

Super concerned ako sa tropang ito kasi di pinag-usapan ang transpo nung nag-anniversary reunion sila sa kanilang out-of-town meeting place. Seryoso, hiwa-hiwalay ang pagdating? Close ba talaga sila?

Tapos yung movie was really less about their friendship and more on their individual lives. Yung parang US network show na mag-reminisce yung isang character tapos biglang flashback sa story niya. Meron sila kanya-kanyang segments that depicted their mostly petty problems (least of all yung love, kaya di ko rin nakuha ang title).

Si Ma-an (Jane Oineza) naunahan na ni Ellenya L. Desperate siya for online validation pero ang chaka ng content ng vlogs. Kelangan pa niya mag-drawing ng line graph before ma-realize na mas mataas na ang subscriber count niya kesa sa jowa ng ex niya (whut?).

Si Denzel (Jerome Ponce) naman ay bakla kasi siya yung loud, bitchesa, at tumitili kapag may pumuputok na lobo. Maayos pa naman umarte si Jerome in his previous films pero itinodo niya ang pagiging screaming queen dito. Yung every pilantik ng kamay eh di mo makakalimutan ang gender niya. Tapos nagmahal siya ng isang guy na ayaw siya i-kiss until official na sila pero gusto ng open relationship (huh? Mga vaklang twoooh!). Nasayang tuloy ang budget Magic Mike moves niya.

(Side note: Anim na seniors ang nag-walk out sa segment na ‘to kasi puro Grindr hook-ups. So plus one star agad kasi nabawasan ang ngumunguya ng chicharon sa sinehan.)

Ang mag-jowa na Hadj (Albie Casiño) at Junamae (Myrtle Sarrosa) mag-MU kaya sila pero hindi talaga sila (wait, anong term sa ganito ng current generation, pang-thunders na kasi ang MU). Nakakatawa si Hadj kasi siya yung infatuated sa Hollywood rom-coms kaya puro couples lang ang nakikita niya kahit saan tumingin. Pero feeling ko mahilig din siya sa Pinoy melodrama bilang nag-ala Gabby Concepcion acting via Dapat Ka Bang Mahalin siya nung lalayasan na ni Junamae (yan talaga pangalan niya baka tatay niya si Jun at nanay si Inamae jk).

Yung story ni Kurt (Tony Labrusca) ang pinaka-nagustuhan ko kasi nag-resonate sa akin yung situation niya na burnout sa work kaya affected ang physical and mental state niya. Nakakadala ang scene na umiiyak na lang siya habang tuloy-tuloy ang pagtanggap niya ng trabaho kasi kelangan (and also kasi nga di na sya nakakapag-isip ng maayos). Nung nag-describe siya na blank ang feeling kahit ano pa ang ma-achieve niya, ramdam ko yun sobra.

Sayang talaga kasi kulang sa bonding ang mga characters na ‘to. Di ko man lang alam paano sila naging magkakasundo given their different attitudes and personalities. Dinaan na lang sa isang montage sa dulo before hugging it out over a sensitive matter. I guess hanggang ganun na lang talaga siya. Wag na daw tayo magreklamo as long as naghuhubad lagi si Tony dito.

Rating: ★★☆☆☆

LSS (Jade Castro, 2019)

6F59F9BA-98DB-434E-8916-9FD9FF0E766B

SPOILER ALERT!!

Huy, bakit parang Survivor: Redemption Island ang theme ng PPP this year? Similar to Andoy Ranay, wala akong maalala na nagustuhang film ni Jade Castro (even yung critically-acclaimed niya na Zombadings, which I found corny tbh). Tapos biglang bawing-bawi siya sa feels dito. Yung napa-wish ako na sana all-out musical siya kasi ang galing ng pagka-incorporate ng Ben&Ben songs sa critical moments ng film. (FYI, wala din akong alam na kanta nila except for Maybe the Night dahil sa Exes Baggage. Yup, kung single ako at may nakatabing cutie sa bus, mahihiya akong mag-discuss ng favorite songs kasi ang range ng taste ko ay The Search is Over at Sweet Soul Revue.)

Lakas ng star quality ni Gabbi Garcia. Granted mas magaling siya na singer kesa actress pero unang line pa lang ng pagkanta ni Sarah eh na-in love na ako agad. Naaalala ko sa kanya si Nikki Gil na very classy ang dating (although weirdly enough, may mga angles din siya na mala-Mocha Uson). Siguro yung conyo aura niya din ang reason bakit medyo off kapag inuulit niya yung “makapasok sa eksena” referring to the music scene. (Mapapansin yung difference kasi ganun magsalita yung character ni Iana Bernardez na sobrang natural dito.) Mental note here to watch more GMA shows.

Nakakaaliw ang relationship ni Zack (Khalil Ramos) at ng mega-supportive niyang nanay (an impressive Tuesday Vargas). Sobrang benta yung ride-sharing scene na may bugawan na naganap (“Di problema kung size queen ka!”) at yung eksena with the tissues (nakakatawa yung “Mabubulag ka sa ginagawa mo!”, although I also expected her to hand him a fresh box bilang very progressive ng character niya). Ang natural ng chemistry nila (Dapat Ka Bang Mahalin as mom’s film of choice was T A S T E) kaya dalang-dala din ako dun sa confrontation scene nila sa dulo (yung pagka-deliver pa lang ni Tuesday ng “Anak, wag dito” line already secured her much-deserved win).

I had some quibbles like yung dubbing nung Leaves sequence (bakit parang hindi sabay tapos iba yung words na sinasabi ni Gabbi sa audio at iba pa rin yun sa subtitles?). Natawa ako dun sa Kathang-Isip sequence (in a good way kasi masaya to see two broken people find comfort in each other) pero parang ang bilis naman nila mag-kiss agad (lalo na kung advocate si Zack ng three month rule ng One More Chance).

Nakulangan din ako sa acting ni Gabbi dun sa crucial scene (yung totoong highlight ng movie for me) na nagbigay siya ng surprise graduation gift sa brother niyang si Cedie (Elijah Canlas). Parang mata lang ni Lady Gaga sa A Star is Born. Yung lumuluha pero walang bakas ng totoong pain or hurt. Ang layo kay Elijah na napaiyak ako sa isang simpleng wince (halong guilt and realization that he was giving up on his dreams) bago sabihin na “Titigil na ako. Magbenta na lang tayo ng herbal products. Ate, sorry na”. Ang sakit sakit.

Ang ganda din siguro if na-explore fully yung art as passion vs sad practical reality theme. Napaisip ako kung ano kaya ang effect ng alternate ending kung naging full time sales agent siya habang todo successful ng kapatid niya. Siguro walang sappy ending montage to fulfill the demands of the genre.

As a cute and charming young romance flick though, it definitely hit the right notes. I’ll probably be humming these Ben&Ben tunes in the next few days.

Rating: ★★★★☆