#JOWABLE (Darryl Yap, 2019)

8C1BDD74-10E7-46D2-83BD-101BDDD4F8D0

SPOILER ALERT!!

Minsan natatawa na lang ako kapag nakakabasa ng viral post sa Facebook na “10 Realizations After Watching (Name of Buzzworthy Movie)”. Usually kasi napaka-basic ng mga thoughts na nakalista kaya napapaisip ako kung sadyang na-realize lang ba niya talaga ang mga yun after mapanood ang pelikula o isinali na lang lahat ng maisip na hugot na pwedeng i-relate para mag-trend. Very similar sa mga yun ang feeling ko dito na parang Spoken Word Poetry Presents Hugot: The Movie. Like, totoo gurl ngayon mo lang nalaman na mas importante ang pagmamahal ng nanay at mga kaibigan mo kesa sa search for a jowa?

Hindi ako magugulat kung maging box office hit ito kasi sikat talaga online ang source material (pati ang ibang polarizing short films made by the same group). Admittedly, I liked some (parts) of the shorts kasi nakakatawa naman talaga. Bearable ang specific jump cuts style at linyahan niya na puno ng hugot at sigawan. Unfortunately, what worked on a free platform didn’t translate well sa big screen na may kasamang ticket price of Php240. Parang mas mahirap tumawa kapag may bayad na yung recycled material na napanood mo na sa Facebook. Kung tutuusin, even yung majority of the film’s highlights andun na din sa trailer (halos lahat ng scenes dun were just extended to around 10-15 minutes pero wala masyadong added humor).

Sayang kasi ang galing talaga dito ni Kim Molina na super committed sa role, lalo na dun sa scenes that didn’t require her to overact. Nung nasa chapel siya na nagmamakaawa for a jowa, mas naramdaman ko gaano siya ka-desperate to feel loved nung huminahon na siya habang sinasabi ang linyang “Bigyan mo naman ako ng isang taong magmamahal sa akin, Lord”. (Of course, undeniable naman na mahusay din siya kumanta. Fave ko pa rin yung biglang birit niya ng chorus ng Narito Ako sa Bossaboss short.)

Sana lang talaga mas sympathetic ang character niya na si Elsa Mangahas. Jowable daw siya at nasa kanya “lahat ng ginugusto ng mga lalaki sa mundo” pero nuknukan naman ang sama ng ugali niya kasi tinawag niyang mukhang kulubot na bayag at bilog at mukhang bola ang mga kaibigan niya. Minura niya ang isang tindera kasi binentahan siya ng couple shirt tapos alcoholic pa siya na may dalang thermos ng Red Horse at araw-araw nagpapakalasing kahit kasama ang isang bus ng mga bata. Ang idea niya ng perfect girlfriend eh yung magsisilbi ng pulutan sa jowa niya na naglalaro ng DOTA. Tapos blatantly racist pa siya na di makilala ang Indian (also ang daming putok jokes dito) na naka-one night stand kasi lahat naman sila naka-turban. Sorry girl pero baka hindi mo deserve ang wish mo na “madurog ang mani”.

But wait, I haven’t even discussed the other problematic parts tulad nung pagsampal sa kanya ni “Bumbay” during sex na supposedly comedic. Or yung attempted suicide na mined for laughs (di ko din maintindihan ang logic ng nanay niya dito na si Kakai Bautista na pinakamamahal daw nya ang anak nya pero uminom ng sandamakmak na vitamins matapos iwan ng jowa; also, kaya daw niya mahal na mahal anak niya eh kasi yun ang mag-aalaga sa kanya pagtanda niya luh!). Or yung scenes na kelangan laging nakabukaka si Kim or labas ang panty or basta naghubad na lang yung mga kasamahan niya down to their bras (bakit??).

(Side note: Yung pa-apology ba sa teachers eh dahil sa flak na natanggap ng filmmakers dun sa isa nilang short? Nasaan naman yung para sa child rape victims?)

Anyway, kung bibigyan nyo lang din ako ng luma at corny jokes (I’m sure narinig na ng lahat yung sa nag-wish tapos nadulas kaya naging mukhang kike) eh di sana inilabas nyo na lang ng libre sa FB. Hindi naman pwedeng basta mag-viral lang eh gagawan na ng pelikula. What’s next, Mimiyuuuh the Movie (Drink Your Water Bish)?

Rating: ★☆☆☆☆